Бала – болашағымыз Өтіп бара жатқан жылдың ең бір сүбелі қадамдарының бірі Балалар жылы аясында қолға алынған істер екені рас. Балаларға көрсетілетін қамқорлық осы жылы еселей түсті. Әсіресе, көп балалы, аз қамтылған отбасылардан шыққан, жетім және ата-анасының қамқорлығынсыз қалған, мүмкіндігі шектеулі балаларға айырықша көңіл бөлінді. Мектепте ыстық тамақпен қамту, жазғы демалыстарын әсерлі ұйымдастыру, спортпен шұғылдануларына жағдай жасау сияқты қолдаулар жалғасын тапты. Желтоқсан айынан бастап Текелідегі мектеп оқушылары мен колледж студенттері қоғамдық көлікте тегін жүруге мүмкіндік алды.

БАЛАЛАР ЖЫЛЫ АЯСЫНДА ЖАС ПАТРИОТТАР ФОРУМЫ ӨТТІ Бүгін Астанада еліміздің барлық өңірінен келген 7-14 жас аралығындағы жас ақындар, жазушылар, блогерлер, суретшілер, артистер мен спортшылар бір алаңға жиналды. Жас таланттар биыл ғылыми жобалар дайындап, кейбірі ерлік танытып, түрлі жарыстарда ерекшеленді.

Тап-таза нәркес көңілдер 30 қарашада №8 орта мектебінде мүмкіндігі шектеулі жандардың халықаралық күніне орай балаларға арналған қалалық «Ашық жүрек» фестивалі өтті. Бесінші рет ұйымдастырылып отырған фестивальде өнердің шексіз әлеміне құштар ұл-қыздар сахнаға шығып, ән мен биден шашу шашты.

Кітап оқудың шеберлері ​Текелі қалалық кітапханасының №1 филиалы балаларға арналған. Мұнда кез келген балғын оқырманды кітапханашылар құшақ жая қарсы алып, керек кітабын тауып береді, ақыл-кеңесін аямайды. Балалар жылы аясында бұл рухани ордада жеткіншектермен жұмыс ширай түсті.

Айбынды ұлдар Балалар жылы және Қазақстан Республикасы Қарулы Күштерінің 30 жылдығы аясында 18-24 маусым аралығында Қарағанды облысының «Спасск» оқу-жаттығу орталығында өткен VIIІ «Айбын» Республикалық әскери-патриоттық жастар жиынында жеңімпаз атанған командалар құрамында текелілік оқушылар да бар.

Дарындар дараланды «Балалар жылы» аясында қалалық Мәдениет үйінде өткен «Текелі дарындылары» атты салтанатты шарада облыстық, республикалық пән олимпиадаларының, шығармашылық сайыстардың жеңімпаздары, мәнерлеп оқу шеберлері, кішкентай ғалымдар, өнерпаздар мен спортшылар марапатталды.

Балғын шақтың бақыты Балалар жылында ерекше қолдау мен қолпаштауға ие болған жас ұрпақтың төл мерекесі де ерекше өтті. 1 маусым – Халықаралық балаларды қорғау күнінде ел Президенті бастаған құттықтаулар легі, әсерлі кештер, әдемі сыйлықтарға ұласты. Бұл күні текелілік балалар да қуаныш пен шаттыққа бөленді.

Отбасы және спорт Балаларды қорғау күні қарсаңында «Тау мергені» әскери-патриоттық клубының ұйымдастыруымен №3 орта мектебінің спорт залында «Әкем, анам, мен – спортшылар отбасымыз» атты сайыс өтті. Оған аталған клубтың кикбоксинг секциясында шынығып жүрген ұл-қыздар ата-аналарымен қатысты.

Мемлекеттік қызметшілер арасында «Әкем, анам және мен- шынығамыз біз спортпен» атты облыстық спорттық жарысы өткізілді 1 маусымында Халықаралық балаларды қорғау күні қарсаңында Талдықорған қаласының "Өркен" спорт кешенінде 23 маусым-мемлекеттік қызметшілер күніне және балалар жылына арналған бекітілген іс – шаралар жоспары аясында мемлекеттік қызметшілер арасында «Әкем, анам және мен-шынығамыз біз спортпен» атты облыстық жарыстарының финалдық кезеңі өтті.

Алматы облысы: Биылғы жылы мектеп медицинасына шамамен 3.4 млрд теңге қарастырылған Әлеуметтік медициналық сақтандыру қорының Алматы облысы бойынша филиалы хабарлағандай, 2020 жылы мектеп медицинасы қаржыландырудың жеке бағытына шығарылды. Ол кезде өңірде оған 2.3 млрд, ал 2021 жылы – 2.8 млрд теңге бөлінген. Ал осы жылы мектеп оқушылары үшін кәсіптік қарау мен сауықтыру іс-шараларына 3.4 млрд теңгеге шарт жасалды.